Инвестиция дастури ижроси тўғрисида

Навоий вилояти бўйича жорий йилда хорижий инвестицияларини жалб этиш ҳудудий Дастурига 11 та лойиҳа киритилган бўлиб, бу лойиҳалар бўйича йил давомида 24,4 млн. АҚШ доллари миқдорида инвестициялар жалб этилиши режалаштирилган эди, ҳисобот йили якунида 28,3 млн. АҚШ доллари миқдорида инвестициялар жалб этилиб, режа 115,6% га бажарилди. 2007 йилнинг мос даврида 3,6 млн. АҚШ доллари миқдорида тўғридан-тўғри хорижий инвестициялар жалб этилган бўлиб, жорий йилда ўтган йилга нисбатан тўғридан-тўғри хорижий инвестицияларни жалб этиш 277,2% га ўсиши кузатилди ёки 10,2 млн. АҚШ долларини ташкил этди.


“2007-2009 йилларда инвестицияларни кенгроқ жалб этиш орқали ишлаб чиқаришни ривожлантириш, экспорт салоҳиятини ошириш ва қўшимча иш ўринларини яратиш Дастури” бўйича:


2007 йилнинг 17 октябр куни Ўзбекистон Республикаси Бош вазири томонидан тасдиқланган, 02-19-205-сонли “2007-2009 йилларда инвестицияларни кенгроқ жалб этиш орқали ишлаб чиқаришни ривожлантириш, экспорт салоҳиятини ошириш ва қўшимча иш ўринларини яратиш Дастури”га умумий қиймати 11190,0 минг АҚШ доллари ва 16744,2 млн. сўмлик жами 42 та лойиҳа киритилган.


Жумладан,


2008 йилда 10402,5 минг АҚШ доллари ва 7723,8 млн сўм миқдоридаги 19 та лойиҳа амалга оширилиши режалаштирилган.


8 та лойиҳа тўлиқ амалга оширилган бўлиб, бугунги кунда маҳсулот ишлаб чиқармоқда. Жумладан, , “Кармана мой инвест” МЧЖ, “Омад бизнес Зарафшон” МЧЖ, “Қизилтепа қурилиш сервис” МЧЖ, “Қурилиш савдо” МЧЖ, “Навои голд пласт” ХК, “Зарафшон овози” МЧЖ, “Навоий корпет”ХК, “Ортомедфармсервис” ИЧТК корхоналари маҳсулот ишлаб чиқара бошлашди.


4та - “Навбаҳор текс” ЧЭК ва “Қизилқуменгилсаноат” МЧЖ, “Навоийулгуржисавдо” МЧЖ (жамият негизида “Кармана гипс маҳсулотлари” ҚКси ташкил этилди), “Қизилқум селикати”ҚК лойиҳалари тўлиқ молиялаштирилди ва лойиҳани ишга тушириш ишлари бормоқда.


Қолган 7 та лойиҳадан 2 таси қисман молиялаштирилган, аммо, айрим сабабларга кўра лойиҳа ижроси кейинги йилга кўчирилишини сўраб ташаббускор мурожаат этган, яъни “Багил Медикал” ШКнинг бир мартали шприц ишлаб чиқариш лойиҳасига Кореялик ҳамкорлар жалб этилиши муносабати билан уни хорижий инвестициялар иштирокидаги корхона ташкил этилиши 2009 йилда режалаштирилган ва “Таъмирлаш қурилиш монтаж” ИЧКсининг шифер ишлаб чиқариш лойиҳаси ташаббускорнинг шахсий маблағлари ҳисобидан қурилиш ишлари молиялаштирилиб, якунланган. Аммо, банк муассасидан ускуна учун кредит олиш масаласи кредит фоизлари юқорилиги учун ташаббускор томонидан рад жавоби берилган ва бошқа манбалар изланиши бошланган.


Ушбу лойиҳалар доирасида 2008 йил якунига кўра, жами 6283,7 минг АҚШ доллари ва 5041,3 млн. сўмлик инвестициялар киритилиб, 1144,5 млн. сўмлик маҳсулот ишлаб чиқарилди ва 321 та янги ишчи ўринлари яратилган .