Маҳаллийлаштириш

Ўзбекистон Республикаси Президентининг 2008 йил 28 майдаги «2008-2010 йилларда саноат кооперацияси асосида махсулотлар, бутловчи буюмлар ва материаллар ишлаб чиқаришни маҳаллийлаштириш дастури тўғрисида»ги ПҚ-879-сонли қарорига асосан 2008 йилда Навоий вилоятида 4 та корхонада 5 та лойиҳа бўйича маҳалийлаштирилган ҳолда маҳсулот ишлаб чиқариш йўлга қўйилган.


Жумладан, «Бентонит» кўшма корхонасида - бентонит кукуни, «Тизол-Н» хусусий ишлаб чиқариш корхонасида - базальт толаси, «Қизилқумцемент» ОАЖда - оловга чидамли шамот, НКМКда - куйдирилган ва қуритилган фосконценрат унлари ишлаб чиқарилмоқда.


1. «Бентонит» ҚКда ишлаб чиқарилаётган бентонит кукуни учун маҳаллий бентонит гилидан фойдаланилмоқда.


Жорий йилнинг якунида 1732,0 млн. сўмлик (14155) бентонит кукуни ишлаб чиқарилиб (режа 202,2%), 1594,5 млн. сўмлик маҳсулот ички ва ташқи бозорга сотилиб, шундан 46,2 минг АҚШ доллар миқдоридаги маҳсулот экспортга юборилган.


Бентонит кукунини ишлаб чиқаришда 100 фоиз маҳаллий хом ашёдан фойдаланиб, жами 1251,9 минг АҚШ долларига тенг валюта иқтисод қилинган. Лойиҳа бўйича жорий йил давомида 20 та янги ишчи ўринлари ташкил этилган.


2. «Тизол-Н» хусусий ишлаб чиқариш корхонасида ишлаб чиқарилаётган базальт толаси учун маҳаллий базальт тоғ жинсидан фойдаланилмоқда.


Ҳисобот даврида 328,8 млн. сўмлик (301,5 тонна) базальт толаси ишлаб чиқарилиб (режа 50,3 % бажарилган), 347,1 млн. сўмлик маҳсулот ички бозорга сотилган.


Базальт толаси ишлаб чиқаришда 100 фоиз маҳаллий хом ашёдан фойдаланиб, жами 237,7 минг АҚШ долларига тенг валюта иқтисод қилинган. Лойиҳа бўйича жорий йил давомида 4 та янги ишчи ўринлари ташкил этилган.


Вилоят ва республика ҳудудида истеъмолчиларнинг камлиги сабабли, ишлаб чиқариш прогнози бажарилмасдан қолмоқда. Бунга корхона раҳбарияти (Т.Мударов) томонидан маҳсулотнинг сифати ва афзаллиги тўғрисида ташвиқот-тарғибот ишлари етарли даражада ташкил этилмаганлиги сабаб бўлмоқда.


3. «Қизилқумцемент» ОАЖда ишлаб чиқарилаётган оловга чидамли шамот маҳсулоти учун маҳаллий каолин минералидан фойдаланилмоқда.


Жорий йилнинг якунида 519,1 млн. сўмлик (1870 тонна) оловга чидамли шамот маҳсулотлари ишлаб чиқарилиб (режага нисбатан 102,2 фоиз), 39,2 млн. сўмлик маҳсулот ички бозорга сотилган. Маҳсулот асосан корхонанинг ўз эхтиёжлари учун фойдаланилмоқда.


Ҳисобот даврида оловга чидамли шамот, 100 фоиз маҳаллий хом ашёсидан ишлаб чиқарилиши натижасида 375,2 минг АҚШ доллари миқдорида валюта маблағи иқтисод қилинди.


4. НКМКда ишлаб чиқарилаётган куйдирилган ва қуритилган фосконценрат унлари учун маҳаллий фосфор минералидан фойдаланилмоқда.


2008 йилда 30,6 млрд. сўмлик (400,4 минг тонна) куйдирилган фосконцентрат уни ( режага нисбатан 100,1%) ва 9,03 млрд. Сўмлик (179,2 минг тонна) ҳамда қуритилган фосконценрат уни (режага нисбатан 89,6 фоиз) ишлаб чикарилиб, барча маҳсулот ички бозорга сотилган.


Маҳсулотларни ишлаб чиқаришда 100 фоиз маҳаллий хом ашёдан фойдаланилмоқда.


2008 йилнинг якунида вилоят тасарруфидаги ҳудудий корхоналар томонидан 2060,8 млн. сўмлик маҳсулот ишлаб чиқарилиб, режа 208,1 фоизга бажарилган. Жами 1941,6 млн. сўмлик маҳсулот сотилган, шундан 46,2 минг АКШ долларлик маҳсулот экспортга чиқарилиб, жами 1489,5 минг АҚШ доллари иқтисод қилинган.


Ҳисобот даврида 5 та лойиҳа бўйича амалга оширилган маҳалийлаштириш ишлари натижасида жами вилоят бўйича 30,5 млн.АҚШ доллари микдорида чет эл валютаси иқтисод қилинди.