Кичик бизнес ва хусусий тадбиркорликни ривожлантириш

Навоий вилоятида 2009 йил 1 январ ҳолатига барча иқтисодий тармоқлар бўйича 14587 та субъект рўйхатдан ўтган бўлиб, шундан 12887 таси кичик бизнес ва хусусий тадбиркорлик субъектларини ташкил этади. Жумладан, 647 таси кичик корхоналарни, 12240 таси микрофирмаларни, 297 таси эса бошқа субъектлардир.


Вилоятда кичик бизнес ва хусусий тадбиркорлик субъектларининг ЯҲМ даги улуши 29,1 фоизни ташкил этган ёки ўтган йилнинг шу даврига нисбатан 3,5 фоизга ошган. Кичик бизнес ва хусусий тадбиркорлик субъектларининг ЯҲМ даги улушининг 14,0 фоизи кичик корхоналарга, 5,8 фоизи якка тартибдаги тадбиркорликка 9,3 фоизи деҳқон хўжаликларига тўғри келади.


2008 йил январ-декабр ойларида 1083 та янги кичик бизнес ва хусусий тадбиркорлик субъектлари ташкил этилган.


Тижорат банклари ва бошқа молиялаштириш манбалари ҳисобидан 2009 йилнинг ўтган даври давомида вилоят бўйича кичик бизнес субектларига жами 45813,6 млн.сўм миқдорида кредит маблағлари ажратилди.


Кичик бизнес субъектларига ажратилган ушбу кредитларнинг 45813,6 млн. сўми банк маблағлари ҳисобидан, 751,7 млн.сўми бюджетдан ташқари жамғармалар маблағлари ҳисобидан имтиёзли кредит сифатида ажратилди. Ажратилган кредитлар ҳисобига ўртача 8500 дан ортиқ киши иш билан таъминланди.


Ушбу ажратилган кредитлар тармоқлар бўйича қўйидагича тақсимотга эга:

-саноатга 6815,9 млн.сўм ;

-қишлоқ хўжалигига 8203.4 млн.сўм ;

-айланма маблағларни тўлдириш учун 121192,1 млн сўм ;

-қурилиш ва маиший хизмат кўрсатишга 11658,3 млн.сўм ;

-бошқа тармоқларга 6943,9 млн.сўм .